Benodighede
• ’n Klein plantjie (kies ’n plant wat hou van skaduwee, want onthou, mos is nie mal oor direkte sonlig nie). Jy kan selfs kyk na vetplante wat nie te swaar is nie
• 7:3 ratio grond wat bestaan uit gedeeltelik-ontbindende plantmateriaal en bonsai-grond
• droë mos
• ’n skêr
• katoendraad
• mooi tou soos twine
• water
• natterige mos
Stappe
1. Verwyder soveel moontlik grond van die plantjie se wortels, sodat die wortels baie sigbaar is. Wees baie versigtig met die wortels.
2. Meng die twee soorte grond tot jy kan sien dat wanneer jy ’n balletjie vorm, dit nie uitmekaar val nie.
3. Maak nou ’n balletjie (lemoen-grootte). Gebruik ’n bietjie water indien dit hier en daar uitmekaar val (kleierige gevoel).
4. Maak seker dat die balletjie genoeg spasie het vir die plant se wortels.
5. Vat van die droë mos en draai dit versigtig om die plant se wortels sodat dit die vorm van ’n sirkel aanneem.
6. Draai die katoendraad ’n paar keer om (dit sal met tyd oplos).
7. Maak ’n gaatjie in die balletjie en druk die plantjie se wortels versigtig daarin vas. Druk alles weer saggies saam in ’n balletjie.
8. Neem stukkies mos en druk dit vas teen die balletjie – moenie oop spasies tussenin los nie.
9. Neem twine en draai dit om die bal, moenie spasies ooplos nie. Maak seker jy los aan die einde genoeg tou sodat jy dit êrens kan ophang.
10. Kies ’n area waar jy die Kokedama kan hang, spesifiek in die skaduwee.
