Deegdekseltjie vir sop

Deur Vicki de Beer. Foto deur Neil Corder

Sit die bakkies in die yskas en bak net voor opdiening in die oond – só word die sop ook warm en jy het ’n elegante voorgereg.

Genoeg vir 6.

Bestanddele

• 400 g (1 pakkie) skilferkorsdeeg
• 2 eiergele, liggies geklits

Metode

1. Voorverhit die oond tot 190 ºC.
2. Rol die skilferkorsdeeg ±4 mm dik uit op ’n werkvlak wat liggies met meel bestrooi is. Sny met die sopbakkie ’n sirkel 2 cm groter
   as die bakkie uit.
3. Skep die sop in die bakkie – dis nie nodig om die sop warm te maak nie. Verf die rand van die bakkie met eiergeel, dit dien as “gom” om die deeg om die bakkie te seël.
4. Sit die deeg oor die bakkie en druk liggies om die rand van die bakkie vas. Verf die deeg versigtig met die res van die eiergeel. 5 Sit die bakkies op ’n bakplaat en bak vir ±10 min. tot goudbruin.

Lees nog: 

Basiese pureesoppe

Basiese roomsoppe

Aftreksel: die basis van goeie sop