Gebakte kaaskoek met sjokolade

Genoeg vir 1 koek

Bestanddele

• 1 x 200 g sjokoladekoekies, soos Chockits
• 50 g botter, gesmelt
• 100 g Lindt-melksjokolade, gekap
• 1 x 385 g-blik kondensmelk
•  2 x 250 g-houers roomkaas
• 2 eiers, liggies geklits

Metode

1. Voorverhit die oond tot 180 °C en spuit ’n 22 cm x 6 cm-losboompan of ’n reghoekige 35 cm x 11 cm x 5 cm-losboompan met kleefwerende kossproei.
2. Maak die koekies fyn in ’n voedselverwerker. Gooi die botter by en meng goed. Druk die koekiekors in die pan en sit in die yskas.
3. Smelt die sjokolade in ’n dubbelkoker. Gooi die kondensmelk by en meng goed. Skep die roomkaas lepelgewys by en roer tot glad.
4. Gooi die eiers by en meng weer tot glad. Gooi die mengsel stadig in die kors. Bak vir 20-25 min. tot geset.