Dit raak nou somer in Suid-Afrika. Die dae word warmer en langer en dit beteken ons bring meer tyd buite deur en ons dagboeke raak propvol sosiale aktiwiteite. Dit het ’n impak op ons vel. “Minstens 80% van alle tekens van velveroudering is die gevolg van faktore wat van buite af kom (blootstelling aan die son, spanning, slaap, dieet, ens.) en selfs meer as jou dieet heelwat suiker bevat of as jy rook,” sê dr Judey Pretorius, ’n vername biomediese wetenskaplike en stigter van Biomedical Emporium. Gelukkig is daar ook goeie nuus, want dit beteken jy kan velveroudering tot ’n groot mate vertraag.
Dr Judey het bekendheid verwerf vir haar unieke formulerings wat ’n radikale invloed het op die koers wat nuwe ontwikkelinge in skoonheid en wondversorging inslaan. Sy bring vernuwing na selkultuurprosesse, en sy spog ook met haar eie mediese en estetiese velsorgreeks. ’n Konsekwente skoonheidsroetine gerugsteun met geteikende, wetenskaplik gegronde produkte, sal volgens dr Judy, die impak wat seisoenale stressors op jou vel het, verminder.
Loer bietjie na vyf slim wenke waarmee jy dié somer velveroudering kan bekamp:
1. Keer die puisies
As jy dan en wan met puisies sukkel, gebruik gerus ’n reiniger (wat jy oornag kan aanhou) om knoppies mee te behandel. Kies ’n reiniger wat salisielsuur of melksuur bevat aangesien dit anti-inflammatories is en jou op ’n natuurlike wyse teen skadelike mikrobes, dikwels die rede vir hierdie skielike uitbrake, te beskerm.
2. Hou dit vars
Jy sal nie kos eet waarvan die vervaldatum reeds verby is nie – waarom dan velsorgprodukte gebruik wat wel het? Die gevolge is dalk nie so erg nie, maar die feit bly staan dat velsorgprodukte wat verval het, nie naastenby so goed werk soos nuwes nie. As jy jou velsorgroetine gereeld volg, sal jou produkte nooit te oud raak nie.
3. Werk saggies
As jou vel maklik geïrriteerd raak of allergies is (veral ligte veltipes), moet jy wegbly van enige velsorgprodukte wat geure en kleurstowwe bevat. Vermy ook velsorgprodukte wat preserveermiddels (en prikkelstowwe) soos metiel of propiel parabene bevat.
4. Behou jou glans
As jy ’n binnekort ’n belangrike afspraak het, wil jy graag hê jou vel moet lewendig en natuurlik glansend lyk. Maak die dag ekstra spesiaal en bespreek vir jou ’n 25% glikolsuurafskilfering (peel) vier dae voor jou geselligheid. Hierdie gewone afskilferingsbehandeling werk sagkens met jou vel, en help om dooie selle te verwyder en kollageen in te krimp.
5. Volg ’n instandhoudingsplan
Jy kan elke oggend en elke aand dieselfde basiese velsorgroetine volg. My voorstel vir een met slegs drie stappe is:
Oggend
1. Reinig.
2. Gebruik ’n serum wat hialuronsuur bevat.
3. Gebruik ’n bevogtiger met ’n hoë sonbeskermingsfaktor (SBF).
Aand
1. Reinig.
2. Gebruik ’n serum wat niasienamied en vitamien A bevat.
3. Gebruik ’n bevogtiger wat peptiede bevat. Laasgenoemde bevat aminosure wat fantasties is om ’n moeë vel weer vol lewe en energiek te laat lyk.
Vir meer inligting, besoek, https://www.biomedicalemporium.com/
