Laat jy al die jongste gesondheidsneiging, fruktose uit jou dieet? Dieetkundiges is nog nie seker dat dit net oor fruktose gaan nie. Hulle sê ons eet bloot te veel. Maar as jy wil probeer, hier is die resep om fruktose-vry te leef.
Bly by die basiese dieetkundige-riglyne
Dit beteken:
* drie klein porsies proteïene soos vleis, vis, hoender en eier per dag, vet afgesny
* 1-2 porsies melk, kaas, bulgaarse joghurt elke dag.
* 5 porsies vrugte en groente. Vars vrugte het wel fruktose maar eintlik min.
* 1-5 porsies (dit hang af van hoe aktief jy is – een porsie vir kantoorwerkers)
koolhidrate soos pap, brood, rys, aartappels, mielies, neute, koek,
beskuit, lekkernye
* 3 t olie elke dag
* 6 glase water elke dag
En dan maak jy die volgende aanpassings:
1. Vervang suiker
Al wat jy doen is om jou suiker te vervang met glukose en sukralose, met produkte soos SUGAlite en Equisweet with Sucralose. Jy kan met glukose kook en bak maar dit is minder soet. Oppas vir meer gebruik, agter die soet smaak aan.
SUGAlite werk baie maklik. Jy hoef glad nie reseppe aan te pas nie, want jy kan net soveel daarvan gebruik as wat die resep vir suiker aandui. Dit gee dieselfde bakresultate as suiker.
2 Drink so fruktose-vry
Koeldranke is die grootste bronne van fruktose vir die meeste van ons. Vermy dus vrugtesappe, versoete waters, sportdrankies, versoete melk, vrugtemelke, versoete joghurts en alle gaskoeldranke in blikkies en bottels superhoeveelhede fruktose. Alkoholiese koelers, likeurs en sjerries is ook propvol fruktose. Jy kan hardehout skoon, op ys, met water, met dieetkola of met sodawater drink maar nie met fruktose-ryke tonikumwater, lemonade en soet koladrankies nie.
Die beste gesondste fruktosevrye drinkgoed is water (stil, borrel, natuurlik, fontein, berg … al die onversoete soorte) sodawater, melk, dieetkoeldranke en sodawater, melk en droë wit- of rooiwyn
3 Is jou stysels fruktose-vry?
Koeksisters, fudge, suurlemoenmeringuetert en so aan is suikerrampe. Hoe minder soet hoe beter. Soutighede het gewoonlik min suiker. Verruil soet gebak en lekkers vir neute en biltong.
4 Stadig met die souse
Konfyt en souse soos blatjang en tamatiesous bevat baie suiker. Jy kan daarmee wegkom, as jy minder as ’n teelepel gebruik. Kaas en vleissmere is baie beter vir jou … en baie lekker.
5 Begin jou dag reg
As kitspap soet proe is dit byna sonder uitsondering omdat dit baie fruktose bevat. Party bevat tot ’n derde koppie soetgoed per koppie pap – twee dae se fruktose op een slag.
Outydse pap is die beste. As jy suiker wil uitsny hou by die nie-soet pappe soos hawermout, mieliemeel (roer kaas in plaas van suiker in), Weet-Bix en All-Bran.
6 Eerbiedig jou eetlus
Dit is die belangrikste van alles. As jy min fruktose eet sal jou eetlusmeganismes jou altyd die regte raad gee. Luister maar net.
* Lees ook die artikel Is Fruktose die vyand? op bl. 138 van die Mei 2014-uitgawe.
Lees Meer
