Genoeg vir 6
• 6 eiers, gekook (soos beskryf en afgedop – sien onder)
• 1 beet, gekook en geskil
• 1 avokado, geskil en pit verwyder
• 2 knoffelhuisies, gekap
• 15 ml (1 e) olyfolie
• fyn kruieblaartjies vir opdiening
1 Sny die eiers middeldeur en verwyder die eiergele met ’n teelepel. Verwerk die eiergele en gekookte beet in ’n voedselverwerker tot glad. Geur met sout en swartpeper.
2 Skep lepels vol van die beetmengsel in die holtetjies waar die eiergele was.
3 Verwerk die avokado, knoffel en olyfolie in ’n voedselverwerker tot glad.
4 Geur met sout en swartpeper.
5 Skep die avokadomengsel in ’n spuitsak en spuit hopies op die beet.
6 Sit met die vars kruie voor.
Kook die perfekte eier
Maak ’n klein kastrol halfvol water en bring die water oor hoë hitte tot kookpunt. Laat sak die eiers met ’n gaatjieslepel versigtig in die water in en verlaag die temperatuur. Laat prut die eiers liggies vir 10-12 min. Trek van die hitte af en koel onder lopende koue water af.
Lees Meer
