Espresso-brownies

12 porsies

Bestanddele:

300 g botter, gesmelt 

72 g kakao

2 groot eiers

260 g strooisuiker

60 ml (¼ k) koffiepoeier (verkieslik espresso)

4 ml Kahlua-likeur (opsioneel)

90 g koekmeel

3 ml (½ t) bakpoeier

Metode:

1. Voorverhit oond tot 180 °C. Voer vierkantige koekpan van 22 cm uit met bakpapier en smeer papier.
2. Meng 50 ml van gesmelte botter met kakao tot daar geen klonte is nie. 
3. Voeg dan res van gesmelte botter by.
4. Klits eiers, strooisuiker, koffiepoeier en likeur, as gebruik, met elektriese klitser.  
5. Voeg die botter-en-kakao-mengsel by en klits tot net gemeng.
6. Sif meel en bakpoeier saam en klits by mengsel. 
7. Giet beslag in voorbereide pan en bak ongeveer 30 minute tot gaar. Die brownies sal nog effens sag wees, maar word stywer as dit afkoel.
8. Laat heeltemal afkoel, sny in blokkies en lig dit uit pan met slaplemmes.