Gebraaide hoender-en-spek-sosaties

Genoeg vir 4 sosaties.

Bestanddele

• 4  Hoenderfilette, in groot blokkies gesny
• 4 repies Repiesspek
• 60 ml (¼ k) Grondboontjiebotter
• 15 ml (1 e) sojasous
• 15 ml (1 e)  Fyngekapte Brandrissie, knoffel en gemmer
• 60 ml (¼ k) lemoensap

Metode

1. Geur die hoender met sout en swartpeper en week 4 sosatiestokkies vir 10 min. in water. Ryg die hoenderblokkies om die beurt met die spek (vleg die spek tussendeur die
   hoender) op die sosatiestokkies.
2. Verhit ’n riffelpan of braai oor matige hitte. Braai die sosaties 4 min. aan elke kant of tot goudkleurig en gaar.
3. Meng die grondboontjiebotter, sojasous, gemmer, knoffel, brandrissie en lemoensap. Geur met sout en swartpeper. Sit voor met die hoendersosaties.