Gebraaide kruisskyf met cannelini-boontjiepuree & groenslaai | rooi rose
Mon-Fri 09.00 - 17.00

Gebraaide kruisskyf met cannelini-boontjiepuree & groenslaai

06/11/2008

Gebraaide kruisskyf met cannelini-boontjiepuree & groenslaai

Serves: 4 Nutrition facts: 200 calories 20 grams fat

Ingredients

  • 4 kruisskywe (rump) van ±150 g elk
  • 100 ml basiese slaaisous
  • 10 ml (2 t) gemaalde komyn
  • 2 x 400 g-blikkies cannelini-boontjies, gedreineer
  • 180 ml (¾ k) hoenderaftreksel
  • 2 knoffelhuisies, geskil
  • 3 x 4 cm stukke suurlemoenskil
  • 80 ml (¹/³ k) olyfolie
  • Slaai
  • ’n hand vol fyn groenboonjies, geblansjeer
  • Rooster 200g kersietamaties met ’n bietjie olyfolie en sout in die oond
  • Strooi 50 g dennepitte oor die tamaties en rooster verder tot die dennepitte bruin is
  • ’n hand vol roketblare, gewas

Instructions

  1. Meng die komyn en slaaisous, gooi oor die vleis en marineer vir minstens 30 min.
  2. Sit intussen die boontjies, aftreksel, knoffel en suurlemoenskil in ’n middelslagkastrol en laat vir 5-8 min. prut of tot die aftreksel verdamp het.
  3. Laat die boontjies effens afkoel en verwerk in ’n voedselverwerker tot glad. Verlaag die spoed van die voedselverwerker en voeg die olyfolie geleidelik by. Geur met sout en gemaalde swartpeper.
  4. Haal die steak uit en braai vir 4 min. aan elke kant oor die kole.
  5. Meng intussen die groenboontjies met die tamatieslaai en roketblare. Sit die kruisskywe met die cannelini-boontjiepuree en groenboonslaai voor.



Rooi Rose

Lees Meer

Hoenderslaai met romerige parmesaan-slaaisous
31/10/2025
Vinnige hoenderkerrie
15/10/2025
Jan Braai se Hoenderpastei
14/10/2025