Genoeg vir 12
Ons het ’n lagie bruinsuiker oor die ryspoeding gegooi en dit toe met ’n blaasvlam geskroei om ’n karamellaag te vorm. Koop dié nuttige kombuisblaasvlamme by Boardmans, @home of by kombuiswinkels.
• 500 g mascarponekaas
• 1 liter (4 k) volroommelk
• 5 ml (1 t) fyn kaneel
• 5 ml (1 t) gemaalde kardemomsade – maal in ’n koffiemeul fyn
• 220 g arborio-rys
• 80 g strooisuiker
• 1 heel neutmuskaat
• 50 g botter
• 50 g bruinsuiker
Maak jou eie mascarponekaas. Klik hier vir ons resep.
1 Klits die mascarpone, melk, kaneel en kardemom saam in ’n middelslagmengbak tot goed gemeng.
2 Bring die rys, suiker, mascarponemengsel en die botter in ’n middelslagkastrol oor matige hitte tot kookpunt.
3 Roer deurentyd. Verlaag die hitte en prut vir 25-30 min.
4 Roer heeltyd met ’n houtlepel tot die rys sag en romerig is.Skep die ryspoeding in ’n 23 cm-bak.
5 Gooi die bruinsuiker oor en karamelliseer met ’n blaasvlam.
Lees Meer
