Genoeg vir 4
4 middelslag-aartappels, gekook en in skywe gesny
125 ml (½ k) klaarbereide rolletjie knoffel-en-pietersielie-botter
500 ml (2 k) bevrore gemengde groente soos ertjies, wortels, babamielies en boontjies
500 g (sowat 4 porsies) gevriesde stokvis of koning-klipvisfilette
Sout en gemaalde swartpepe
1 Voorverhit die oond tot 180 °c. Sny vierkante van 4 cm x 30 cm uit bakpapier.
2 Verdeel die aartappels tussen die vier velle bakpapier. Pak die aartappels in die middel in ’n sirkel sodat hulle oorvleuel. Verdeel die groente tussen die pakkies.
3 Sit ’n filet op die groente in elke pakkie. Geur na smaak. Sny ’n paar skywe van die knoffelbotterrolletjie en sit op die vis. Vou die papier soos ’n geskenkpakkie toe en bind netjies vas met kombuis-tou indien nodig.
4 Sit op ’n bakplaat en bak vir 20-30 min. Laat elkeen sy eie pakkie aan tafel oopmaak.
