Hoenderaftreksel

Genoeg vir sowat 2,5 liter.

Bestanddele

• 2 hoenderkarkasse, al die vleis afgetrek
• 30 ml olyfolie
• 2 uie, geskil en in kwarte gesny
• 3 selderystingels, ruweg gekap
• 3 wortels, ruweg gekap
• 3 preie, gewas en ruweg gekap
• 1 bouquet garni (’n paar takkies tiemie, pietersielie en lourierblare, in ’n bossie saamgebind)
• 45 ml sojasous
• ekstra sout, indien nodig

Metode

1. Braai die groente tot goudkleurig in baie warm olie in ’n dikboomkastrol. Dit kan amper aan die punte begin skroei.
2. Sit die hoenderkarkasse in dieselfde kastrol en breek met die agterkant van ’n houtlepel in stukke.
3. Voeg 2,5 liter water en die bouquet garni by en laat die aftreksel vir 30 min. oor matige hitte prut.
4. Skep die skuim af wat na bo dryf.
5. Gooi die soja by en proe of daar nog ’n bietjie sout kort. Geur na smaak en haal af.
6. Laat effens afkoel en gooi deur ’n sif in ’n groot maatbeker.

Maak ook hierdie lekker hoenderaftreksel met hoenderkluitjies-resep