Genoeg vir 6
• 30 g botter
• 30 ml (2 e) olyfolie
• 1 kg hoendernekkies
• sout en swartpeper
• 30 ml (2 e) koekmeel
• 1 ui, fyn gekap
• 2 knoffelhuisies, fyn gekap
• 5 cm stukkie gemmer, fyn gekap
• 1 rooi brandrissie, fyn gekap
• 30 ml (2 e) koljandersaad, fyn gemaal
• 15 ml (1 e) komynsaad, fyn gemaal
• 15 ml (1 e) paprika
• 15 ml (1 e) garam masala
• 30 ml (2 e) fenegriek
• 2 x 400 g heel geskilde tamaties
• 1 x 400 g klapperroom
• hand vol koljander, gekap
1 Verhit die helfte van die botter en olie in ’n groot kastrol oor matige hitte.
2 Geur die hoendernekkies met sout en swartpeper, bedek met die meel en skud die oortollige meel af.
3 Braai die hoender in sarsies tot goudkleurig. Haal uit en hou eenkant. Braai die ui, knoffel, gemmer en brandrissie vir 5-7 min. of tot goudbruin in die oorblywende botter en olie.
4 Voeg die koljander, komyn, paprika, garam masala en fenegriek by en braai vir nog 2 min.
5 Voeg die hoendernekkies en heel tamaties by en geur met sout en swartpeper.
6 Laat prut vir 20 min. oor lae hitte, of totdat die sous lekker verdik.
7 Voeg die klapperroom by en kook vir nog 5 min.
8 Sit voor met vars koljander en klapperskaafsels.
