Kaas-en-mieliebrood

Resep deur Rediscover Dairy.

Bestanddele

Brood

• 250 g koekmeel
• 150 g mieliemeel
• 1 teelepel bakpoeier
• 1 teelepel sout
• 1 eetlepel grasuie, fyngekap
• 3 suikermielies, van die stronk afgesny (of een blik heelpitmielies)
• 200 g cheddarkaas, gerasper
• 300 ml karringmelk of amasi
• 2 eiers
• 115 g botter, gesmelt

Atjar-botter

• 1 eetlepel mango-atjar
• 80 g botter, versag

Metode

1. Voorverhit die oond tot 180 °C. Smeer en voer ’n broodpan met bakpapier uit.
2. Meng die meel, mieliemeel, bakpoeier, sout, grasuie, mielies en kaas in ’n bak totdat dit goed gekombineer is.
3. Meng die karringmelk, eiers en gesmelte botter in ’n aparte bak en klits tot glad.
4. Maak ’n holte in die middel van die meelmengsel en giet die karringmelkmengsel daarin. Roer liggies totdat alles net-net gemeng is – moenie oormeng nie.
5. Giet die beslag in die voorbereide broodpan en maak die oppervlak gelyk.
6. Bak vir 50 minute.
7. Terwyl die brood bak, berei die atjar-botter voor deur die botter vir sowat 2 minute te klits totdat dit lig en romerig is. Roer dan die mango-atjar by.
8. Bedien die brood warm met die atjar-botter en ekstra kaas.

Lees ook: Gebakte appeltert