Kits-frikkadelle in in geroosterde rissie en tamatiesous

Bestanddele

• 1 hoeveelheid basiese tamatiesous (klik hier vir die resep)
• 4 groot rooi soetrissies, geskroei en skille afgetrek
• 2 rooi brandrissies, pitte en wit vliesies uitgekrap

Kitsfrikkadelle

• 10 ml (2 t) olyfolie
• 500 g (1 pak) geurige boerewors
• 250 g buffelmelk-mozzarella, in stukke geskeur
• ’n hand vol basiliekruidblaartjies

Metode

Voorverhit die oond tot 200 °C

1. Rooster die soetrissies tot sag en gaar. Haal uit en laat afkoel.
2. Trek die harde skilletjies van die soetrissies af en verpulp met ’n stokmenger of in ’n voedselverwerker.
3. Maak die tamatiesous soos langsaan beskryf en voeg die soetrissies by.
4. Laat vir 10 min. oor lae hitte prut. Hou eenkant. Skep in ’n oondvaste pan.
5. Knyp klein bolletjies uit die wors. Braai in die verhitte olie tot goudbruin.
6. Skep die kitssfrikkadelle by die tamatiesous en pak die kaas tussen die frikkadelle.
7. Bak vir 10 min. tot die kaas begin smelt.
8. Haal uit, strooi die basiliekruid oor en sit warm saam met pasta voor.