Verskaf deur Sunlight
Kos was nog altyd die hartklop van Suid-Afrika se erfenis. Resepte vertel ’n storie van familiegeskiedenisse, streeksinvloede, tradisies en herinneringe wat van een geslag na die volgende oorgedra word. Hoewel Erfenismaand ons die geleentheid bied om ons eie kultuur se kos te vier, vra Sunlight Ultra Power Suid-Afrikaners om die idee hierdie September om te keer – wat kan ons ontdek as ons probeer om iemand anders se kos te kook?
Sunlight se #CookOutsideYourCulture-uitdaging moedig Suid-Afrikaners aan om ’n gereg uit ’n ander kultuur te kies, meer oor geskiedenis en betekenis daarvan te leer, dit self te probeer maak, en om die ervaring met ander te deel.
“Suid-Afrika beskik oor ’n buitengewone rykdom van kulture en kostradisies, en kos bied ons ’n toeganklike manier om dit te ervaar en te waardeer,” sê Caroline Blumrick, senior bemarkingsbestuurder vir Sunlight by Unilever.
“Erfenismaand is natuurlik ’n tyd om ons herkoms te vier, maar ons wou Suid-Afrikaners ook aanmoedig om nuuskierig oor mekaar te wees. Soms kan iets so eenvoudig soos om te leer hoe om ’n gereg te kook waarmee jy nie grootgeword het nie, ’n gesprek aan die gang sit, jou iets nuuts leer en mense bymekaarbring.”
View this post on Instagram
Van bunny chow tot malvapoeding
’n Groep Suid-Afrikaanse inhoudskeppers het reeds die uitdaging aanvaar deur buite hul bekende kostradisies te tree en mekaar se kombuise te betree.
Onezwa Mbola het tihove en spinasie vir die eerste keer gemaak terwyl Sive Mdluli ’n lamsvleis-bunny chow aangepak het. Uthika Naidu het op haar beurt haar hand aan Inyama Yangaphakathi gewaag, en Danielle Steynvaardt en haar gesin het ’n tradisionele Xhosa-gereg gemaak. Wendy Sigwadi het weer die wêreld van Afrikaanse koserfenis betree deur ’n klassieke malvapoeding te maak.
Verskillende geregte en verskillende ervarings, maar een gedeelde idee – kulturele waardering gaan nie noodwending oor die waarneem van ’n ander tradisie nie. Dit kan beteken om vrae te vra, die storie daaragter te leer ken en bereid te wees om iets onbekends te probeer.
View this post on Instagram
’n Bietjie mors is deel van die ervaring
Natuurlik lewer eksperimentering in die kombuis nie altyd kos wat perfek lyk nie, en dit is deel van die pret.
Die veldtog se #SunlightDirtyDishCount vier die vuil potte, panne, bakke en borde wat agterbly as bewys dat jy iets nuuts probeer het. Dit skep ook ’n natuurlike rol vir Sunlight Ultra Power, waarvan die 5X-vetverwyderingskrag help om die skoonmaakwerk te behartig sodra die kosmaak en saamkuier verby is.
Caroline sê hulle wil hê mense moet vry voel om deel te neem, te eksperimenteer en die proses te geniet, eerder as om hulle oor die gemors daarna te bekommer. “Of die eerste poging perfek uitdraai of nie, daar is waarde daarin om iets te probeer. Sunlight Ultra Power kan die vuil skottelgoed hanteer, sodat jy op die ervaring, die mense om die tafel en dalk die ontdekking van ’n nuwe gunstelinggereg kan fokus.”
-
- Uthika Naidu het haar hand aan Inyama Yangaphakathi gewaag. Foto: Verskaf
Wat gaan jy kook?
Hierdie Erfenismaand word Suid-Afrikaners genooi om aan die uitdaging deel te neem: kies ’n gereg uit ’n ander kultuur, leer die storie daaragter ken, maak dit, en deel wat jy ontdek.
Deel jou ervaring op sosiale media, “tag” @SunlightZA, @rooirose en gebruik #CookOutsideYourCulture en #SunlightDirtyDishCount om by die gesprek aan te sluit.
In ’n land met soveel kulture, stories en geregte wat die moeite werd is om te ontdek, kan begrip vir mekaar soms om die etenstafel begin.
Vir meer inligting oor Unilever en sy handelsmerke, besoek www.unilever.com
Lees Meer
