Krakerige aartappels met speserye | rooi rose
Mon-Fri 09.00 - 17.00

Krakerige aartappels met speserye

04/12/2013

~

Hierdie krakerige aartappels met speserye is ’n baie lekker bygereg by steak of geroosterde hoender. Laat die rissies weg as jy nie van brand-smake hou nie. Gebruik oorskietaartappels, of bak die aartappels al die vorige dag om tyd te bespaar. Deur Vickie de Beer

Krakerige aartappels met speserye

Serves: Genoeg vir 4-6 Nutrition facts: 200 calories 20 grams fat

Ingredients

  • 4-6 groot aartappels, geskrop
  • 2 uie, oorlangs in skywe gesny
  • 3 knoffelhuisies, gekneus en fyn gekap
  • 15 ml (1 e) roosmaryn, fyn gekap
  • 15 ml (1 e) tiemie
  • 5 ml (1 t) gedroogde rissie-vlokkies
  • 10 ml (2 t) vinkelsaad
  • 10 ml (2 t) komynsaad
  • 80 ml (1⁄3 k) olyfolie
  • 45 ml (3 e) botter
  • sout en gemaalde swartpeper

Instructions

Voorverhit die oond tot 200 °C.

1 Sit die aartappels op ’n bakplaat en bak vir 1 uur tot sag en gaar.
2 Haal uit en laat afkoel sodat jy hulle kan hanteer. Moenie die oond afskakel nie. Breek die aartappels met jou hande in brokke van sowat 3 cm en sit in dieselfde oondpan.
3 Strooi die uie, knoffel, roosmaryn, tiemie, rissievlokkies, vinkel en komyn oor en gooi die olyfolie oor. Stip plek-plek met botter en meng versigtig deur.
4 Bak vir nog 20-25 min. tot goudbruin en krakerig en die uie begin karamelliseer. Skud die pan 2 keer in die gaarmaaktyd.

 

 

 



Rooi Rose

Lees Meer

Heuning-en-gemmer-hoender met sataysous
22/04/2026
Hoender-en-pampoen-pastei
15/04/2026
Aartappeltert
07/04/2026

  • Lees meer