Lamsworsie-en-boontjie-bredie

Genoeg vir 4.

Bestanddele

• 8 lamsworsies
• 15 ml (1 e) verhitte olyf- of avokado-olie
• 1 gekapte ui
• 1 x 410 g-blik Mexikaans gegeurde tamaties
• 2 roosmaryntakkies
• 1 x 400 g-blik cannelini-boontjies
• sout en gemaalde swartpeper
• nacho-skyfies, vir voorsit

Metode

1. Braai die lamsworsies in verhitte olyf- of avokado-olie oor matige hoë hitte tot goudbruin. Haal uit en hou eenkant.
2. Braai die ui en knoffel vir 5 min. in dieselfde pan tot sag. Voeg die tamaties en roosmaryntakkies by. Bring tot kookpunt.
3. Meng die cannelini-boontjies, gedreineer, by en bring tot kookpunt. Geur met sout en gemaalde swartpeper. Voeg die worsies by en laat deurwarm word.
4. Sit met nacho-skyfies voor.