Leser Hannelouw van Staden was November 2014 se Teetydtreffer-wenner. Sy sê dié likeurtert is haar ouma Sienie, wat pas 92 geword het, se resep. ‘Dit is ’n ware teetydtreffer, want almal wil die resep hê as hulle die tert geproe het.’
Bestanddele
• 4 eiers, geskei
• 250 ml strooisuiker
• 125 ml kookwater
• 125 ml olie
• 250 ml koekmeel
• 20 ml bakpoeier
• 125 ml kakao
• knypie sout
Sous
Kook 250 ml kookwater en 250 ml strooisuiker in ’n kastrolletjie tot die suiker opgelos is.
Roer 45 ml Kahlua-likeur by en kook vir nog 1 min.
Versiersel
Klop 250 ml room styf.
Roer 397 g (1 blik) karamelkondensmelk tot glad en vou by die room in.
1 Flake-sjokolade
Instructions
Voorverhit die oond tot 180 °C. 1 Spuit ’n tertpan met ’n deursnit van 28 cm met kleefwerende kossproei. 2 Klits die eiergele en strooisuiker tot liggeel en romerig. Roer die kookwater en olie bymekaar. 3 Sif die meel, bakpoeier, kakao en sout saam. Roer die oliemengsel en meelmengsel om die beurt by. 4 Klits die eierwitte tot stywe-puntstadium. Vou by die beslag in. 5 Skep die beslag in die oondbak en bak vir 30 min. of tot ’n toetspen skoon uitkom. 6 Gooi die warm sous oor die tert sodra dit uit die oond kom. 7 Laat afkoel en smeer die versiersel oor die tert. 8 Breek die Flake in skerwe en strooi oor.