Luukse forel-ontbytbord deur Vickie de Beer, bygestaan deur Martjie Malan. Foto: Lindy Kriek

Foto: Lindy Kriek

Luukse forel-ontbytbord

Serves: 4-6 Nutrition facts: 200 calories 20 grams fat

Ingredients

Murgpampoentjie-poffertjies
Genoeg vir 20-24 poffertjies
• 150 g (½ k) koekmeel
• 10 ml (2 t) bakpoeier
• 10 ml (2 t) suiker
• 5 ml (1 t) sout
• 1 eier
• 250 ml (1 k) melk
• 10 ml (2 t) olyfolie, plus ekstra om mee te bak
• 5 ml (1 t) gemaalde swartpeper
• 350 g (2½ k) murgpampoentjies, ruweg gerasper, sprinkel
’n bietjie sout oor en laat vir 30 min. dreineer.
• 15 g (½ k) vars kruisement, ruweg gekap
• 10 g (¼ k) vars dille, ruweg gekap
• 10 g (¼ k) vars Italiaanse basiliekruid, ruweg gekap
• gerasperde skil van 1 suurlemoen
• ’n skyf (sowat 100 g) fetakaas, gekrummel
Ontbytbord
• 250 g liggies gerookte forel
• 125 ml (½ k) roomkaas
• 12 aspersies, blitsig gekook in borrelende kookwater en dadelik in yswater afgekoel.
• 4 eiers, vir 5 min. gekook en afgedop
• 30 ml (2 e) kappertjiesaad
• 1 avokado, geskil en in skyfies gesny, geur met sout en sprinkel suurlemoensap oor.

Instructions

Murgpampoentjie-poffertjies

1 Meng die koekmeel, bakpoeier, suiker en sout in ’n groot mengbak.
2 Klits die eier, melk en olyfolie in ’n ander mengbak of maatbeker.
3 Meng die vloeistof met ’n draadklitser by die meelmengsel in tot ’n gladde deeg vorm.
4 Geur met sout en swartpeper.
5 Roer die gerasperde murgpampoentjies, gekapte kruie, suurlemoenskil en die fetakaas by.
6 Verhit die ekstra olyfolie in ’n groot pan oor matige hitte en skep lepels vol van die beslag in die verhitte pan.
7 Braai aan weerskante tot goudbruin en deurgaar.

Ontbytbord

1 Pak al die bestanddele en die poffertjies op ’n mooi opdienbord uit.