Deur Margaret Gardiner
Hierdie naweek is die wêreld aan ’n nuwe Superman bekendgestel. Gegewe Amerika se wêreldwye reputasie tans, mag die superheld se leuse van “waarheid, geregtigheid en die Amerikaanse manier” dalk nie in sommige dele van die wêreld aanklank vind nie. Tog het die man van staal $220 miljoen aan die einde van sy openingsnaweek ingesamel. Daarbenewens het die DC-held die geliefde Henry Cavill, wat in vorige weergawes ’n uitstekende werk as karakterakteur gedoen het, vaarwel geroep. Hulle het ’n nuwe Superman in die vorm van die 1,93 m lange blouoogakteur, David Corenswet, aangestel, wat ook nie net een nie, maar twee oulike kuiltjies het.
(Foto: Superman DC Studios. Warner Brothers.)
(Foto: Superman DC Studios. Warner Brothers.)
Hierdie keer wys Superman nie waar hy vandaan kom nie, maar bied ’n mengsel van die trilogie se normale temas. Die fiiek is ’n samestelling van “toptreffers” van die Superman-troepe. Ons sien min van Superman as Clark Kent, en baie van hom wat teen ’n miljardêr-skurk Lex Luther (Nicholas Hoult) veg wat sy rykdom gebruik om Derdewêreldlande te manipuleer, oorloë te begin en allerhande bose misdade te pleeg om sy rykdom te vermeerder. Superman is in ’n verhouding met die topverslaggewer, Lois Lane (Rachel Brosnahan), wat weet dat hy Superman is. Daar is ’n oomblik wanneer die wêreld teen hom draai en waar hy homself beveg. Dus word al die raakpunte in een fliek gekombineer om aanhangers tevrede te stel.
Nicholas Hoult, Rachel Brosnahan en David Corenswet (Foto: Superman DC Studios. Warner Brothers.)
Die gebruik van Krypto, Supergirl se hond, is ’n uitstekende vars en nuwe byvoeging. Die CGI-geskepte hond is oulik en laat jou elke keer glimlag. Die oproerige hond, wat met ’n rooi mantel getooi is, is geïnspireer deur regisseur James Gunn (Guardians of the Galaxy) se eie reddingshond. Daar is ’n ligte aanraking aan James Gunn se weergawe van die strokiesprentheld. Humor speel ’n rol, asook Superman se meedoënlose sorg vir die mensdom, vriendelikheid en positiwiteit. In ’n wêreld waar elke nuwe dag nuwe onweerswolke bring, is die hierdie fliek ’n vars briesie.
So wie is David Corenswet? Hy is baie soos sy nuwe alter ego. Hy vloei oor van positiwiteit. Hy merk op: “Die fliek het knallende aksie, maar die hart lê in die karakters. Die rolprent draai rondom mense, hul idees en ideale.”
(Foto: Maya Dehlin Spach/Getty Images)
Hy is in 2023 met Julia Best Warner (Pretty Little Things/Ratched) getroud, wat, soos hy, aan die Juilliard-skool studeer het. Hulle het ontmoet terwyl hulle as tieners in ’n somerteaterprogram was. Sy is Katoliek, hy is Joods. Die Times of Israel het berig dat hul seremonie by die New Orleans Conception Church albei godsdienste geëer en ingesluit het.
Julia was swanger terwyl David vir die rol van die superheld voorberei het. Terwyl sy 18 kg opgetel het, het hy 18 kg aangesit vir die rol van Superman, en aan People Magazine gesê: “Ek het begin snork en moes haar swangerskapskussing gebruik.” Julia het vroeg in 2024 geboorte gegee.
David en sy vrou, Julia Best Warner (Foto: Superman DC Studios. Warner Brothers.)
Die akteur het in Junie 2025 aan Broadway World gesê dat toneelspel hom waardevolle lewenslesse geleer het. “Jou solo-oomblikke mag dalk sentraal in jou lewe staan, maar as jy gelukkig is, word jy die meeste van jou tyd omring deur ’n koor van vriende en familie, wat in harmonie saamsing.”
Volg Margaret op Youtube, Facebook, Twitter en Instagram!
Lees ook: De Klerk Oelofse maak sy sepie-debuut in Suidooster
