Fout 1: Laevetgrondboontjiebotter
Wanneer die vet uit grondboontjiebotter verwyder word, moet iets anders weer ingesit word om dit lekker te laat smaak. Laevetgrondboontjiebotter bevat versoeters, byvoorbeeld die fyn suiker wat in versiersuiker gebruik word. Elke eetlepel laevetgrondboontjiebotter bevat ’n teelepel suiker! Gaan dan maar eerder vir die oorspronklike resep – wees net streng met porsiegroottes.
Fout2: Volgraanskyfies
Volgraanprodukte verskaf waardevolle vesel wat spysvertering aanhelp en toksiene vinniger uit jou stelsel verwyder. Tog kan volgraanskyfies baie vet en kalorieë bevat. Dit is belangrik om die etiket op die pakkie deeglik te lees – maak seker jy neem nie oormatige kalorieë in nie. Soms kan een porsie volgraanskyfies soveel as 300 kalorieë en 14 gram vet bevat. Dis selfs meer as ’n porsie aartappelskyfies wat in olie gebraai is.
FouT 3: Tuna-slaai
Die slaaisous in tuna-slaai kan tot 500 kalorieë en 30 gram vet bevat. Maak eerder ’n gesonde weergawe – los die slaaisous en maak ’n heerlike vars slaai met suurlemoensap, ’n klein hoeveelheid laevetslaaisous of ’n eetlepel olyfolie.
Fout 4: Groentesop
Sout is die skelm in hierdie dis! Een bakkie kan tot 600 gram natrium bevat. Dit is ’n kwart meer as die aanbevole daaglikse toelating sout. Die gesondste soorte sop kan gemaak word van verwerkte groente soos botterskorsie of murgpampoentjies.
Lees Meer
