Dit is ook ’n speelse manier om nuwe resepte uit te toets danksy die verruklike foto’s wat kosliefhebbers, oftewel “foodies”, met hul aanhangers deel. En wat is beter as resep-idees vars uit Suid-Afrika?
Ons deel graag ons top 5 Suid-Afrikaanse kosliefhebbers om op Instagram te volg.
Sarah Graham
Sarah Graham is die outeur van drie kookboeke en is ook die aanbieder van die gewilde kookprogram, Sarah Graham’s Food Safari. Op haar Instagram-blad deel sy graag foto’s van heerlike, tuisgekookte disse.
Jan Hendrik van der Westhuizen
Jan Hendrik is ’n Suid-Afrikaanse sjef en outeur van twee kookboeke. Sy restaurant, JAN, is ook een van die top eetplekke in Frankryk. Op sy Instagram-blad deel hy foto’s van sy daaglikse lewe as ’n sjef, asook pragtige foto’s van disse wat te mooi is om te eet!
Sam Linsell
Sam is ’n professionele kosstilis, -skrywer, fotograaf en outeur van verskeie kookboeke. Met haar voete goed gegrond in die hartjie van die Kaap is haar Instagram-blad ’n ware skatkis van tradisionele disse en resepte. Boonop is dit ook ’n fees vir die oog!
Vickie de Beer
Ons kosredakteur, Vickie, het onlangs haar kookboek, The low-carb solution for diabetics, bekendgemaak en het reeds verskeie toekennings vir dié baanbrekerboek ontvang. Haar Instagram-blad is die perfekte kykie agter die skerms na die lewe van ’n kosredakteur.
Richard Bosman
Richard is ’n kos-blogger met ’n voorliefde vir vleis! Besoek gerus sy Instagram-blad vir tonne inspirasie en idees vir jou volgende braai – sy foto’s lyk heerlik!
Lees Meer
