Reis só met jou baba

Reis só met jou baba vertaal deur Martie Swanepoel. Hooffoto: PeopleImages/istock images 

In die lug

1. Pak sover moontlik alles die vorige dag, jy gaan moeg en angstig wees. Maak dus seker dat jy voorbereid is, dan is daar minder kans om jou stres aan die baba oor te dra.
2. Jy kan gewoonlik vroeg aan boord gaan. Indien nie, vra of daar ’n alternatiewe ry is om in te wag.
3. As die vliegtuig land en opstyg, sal die lugdruk in die kajuit drasties verander. Volwassenes kan kougom kou of gaap om die druk in hulle ore te stabiliseer. Babas kan nie. Voeding kan die baba kalmeer. Gee ’n ligte voeding voor opstyging om seker te maak dat hulle tydens opstyging sal suig, of gebruik ’n fopspeen. Die suigbeweging sal die onderkaak beweeg en die oorkanaal strek en lugdruk in die ore help stabiliseer.
4. Dra jou baba in ’n ligte kombersie wanneer jy deur sekuriteit gaan. Hulle sal jou vra om die baba uit die waentjie of drastoel te haal. Sodoende sal jou baba nie wakker word as hy uitgehaal word nie.
5. As jy alleen reis, vra vir ’n venstersitplek sodat jy die baba in die hoek kan plaas. As jy saam met ’n maat reis, bespreek ’n venster- en ’n gang-sitplek, sodat een altyd vry is om op te staan ​​(en die kans is groot dat niemand tussen julle sal wil sit nie, of die persoon sal waarskynlik na ’n ander sitplek beweeg as die vliegtuig nie vol is nie.
6. Elektriese borspompe word op die vliegtuig toegelaat, maar oorweeg dit om ’n handpomp in te pak as ’n rugsteun indien die pomp sou wanfunksioneer.
7. Vermy die gebruik van die water in ’n vliegtuigtoilet vir enigiets wat met die baba verband hou aangesien dit chemikalieë bevat. Vra die personeel toegang tot warm water om jou baba se toerusting te steriliseer.
8. As jou baba ongemaklik raak tydens die opstyg of landing en nie wil voed nie – pak ook ’n klein sak speelgoed om sy aandag af te lei. As ’n ekstra voorsorg, neem oorfone met ’n oulike deuntjie saam om die baba se aandag af te lei.
9. Draai jou baba styf toe sodat hy veilig en kalm sal voel.
10. As jy borsvoed en wil vermy dat jy tydens die vlug moet uitpomp, pomp vooraf uit en vries dit tot jy dit nodig het. As dit eers ontdooi is, gebruik dit binne ’n uur. Vars uitgepompte melk is veilig vir baba se inname as dit by kamertemperatuur geberg is vir selfs 6-8 uur. As jy formulemelk gebruik, neem altyd ekstra formule en bottels saam. Probeer die beraamde hoeveelheid wat benodig word in kleiner houers hou om te voorkom dat jy te swaar dra.

Lees ook: Hoe gedrukte foto’s jou kind se waarde bevestig

Van bababedjie na kinderbed

AnSyvanych/istock images

Baba op wiele

1. Pasgeborenes moet in hul stoeltjie geplaas word op die agtersitplek. As jy alleen ry, installeer ’n agterspieël of sit agter by die baba as jy nie bestuur nie.
2. As een persoon bestuur, moet iemand agter by die baba sit. Dit help om ’n versorger op die agtersitplek te hê om bottels te maak en die baba te voed en om speeksel en opgooi af te vee. Keer dat die baba verveeld raak deur speletjies soos loer-vir-my te speel.
3. Slaap wanneer die baba slaap. Dit is goeie raad as jy saam met kinders reis. As die baba slaap, moet die persoon wat agter sit probeer rus sodat hulle kan oorneem as die motorbestuurder moeg word.
4. As jy ’n motor huur (ook van toepassing op vlieg), oorweeg dit om jou eie baba-motorsitplek te gebruik. Die koste kan dikwels die ongerief verhoog. Doen navorsing en besluit wat jy wil doen.
5. Gebruik ’n dun kombers as sonskerm op die vensters.
6. Baie ouers is bekommerd oor ’n pasgebore baba in ’n motorsitplek, maar solank hulle in ’n natuurlike posisie sit, nie leun nie, sal dit veilig wees.
7. ’n Goeie manier om reistydperk te bepaal, is om jou vertrektyd te koordineer met die baba se bedtyd. Volg die gewone roetine (bad, nagklere, bedtyd-liedjie), maar sit die baba in die motorstoel en maak hom in die motor aan die slaap.
8. Ry so lank as wat jy gemaklik is – of so lank as wat die baba slaap, maar maak seker dat die bestuurders omruil en genoeg rus kry om moegheid te vermy.
9. Neem ’n skoenorganiseerder saam. Hulle is opvoubaar en sal jou lewe soveel makliker maak as jy al baba se goed daarin kan hou.
10. Doen navorsing oor pediaters en hospitale op jou roete ingeval jou baba siek word.
11. Pak ’n tweede, kleiner sak vir die agterste sitplek met net noodsaaklikhede soos twee doeke, klere, ’n sakkie weggooibare nat vadoekies, ontsmetmiddel vir jou hande en ’n termometer.

Lees ook: Maak jou huis veilig vir babas en peuters

Babas, bottels en begrotings

Om ’n baba te hê, is ’n groot verandering en nuwe ouers raak maklik angstig en gestres in hul eie omgewing en soveel te meer in vreemde omstandighede soos op ’n reis. Pas jou denke aan en probeer om opgewonde te raak, eerder as senuweeagtig, sodat jy herinneringe kan bou saam met jou nuwe baba. Jou baba sal jou senuweeagtigheid aanvoel en daarvolgens reageer. Rustige energie is jou grootste bondgenoot.

Wenk: Waar jy ook al is, as jy hulp benodig, moenie skaam wees om dit te vra nie. Die meeste mense sal die ekstra myl loop as hulle sien jy het ’n baba.

Lees ook: Hoekom babas moet kruip