Dié winkel sal in Johannesburg geleë wees waar koffieliefhebbers van vroeg 2016 af hul daaglikse kafeïen-dosis sal kan kry. Daar sal ook na verwagting ander winkels landwyd die lig sien ná die Johannesburg-tak gevestig is.
Taste Holdings, die maatskappy wat kitskos kettingwinkels soos Domino’s en Scooters Pizza na Suid-Afrika gebring het, is ook verantwoordelik vir dié nuutste toevoeging tot die land se kitskos handelsmerke. Met meer as 22 000 koffiehuise in ongeveer 66 lande is Starbucks die grootste koffie handelaar ter wêreld.
Met die opening van hul eerste koffiehuis sal Starbucks ook die jongste Amerikaanse kitskos-handelsmerk sedert BurgerKing wees wat homself in Suid-Afrika vestig.
Dié handelsmerk is bekend vir sy pragtige koffiehuise van regoor die wêreld en dié wat in Suid-Afrika hul deure gaan oopmaak sal geen uitsondering hierop wees nie. Die koffiehuise sal onder meer só ontwerp word om die hele Starbucks-spyskaart te kan aanbied en kliënte sal ook verniet WiFi kan geniet.
Ons is baie opgewonde en kan nie wag om ’n koppie koffie met die ikoniese groen embleem op te drink nie.
Vir tyd en wyl probeer ons maar self om die perfekte koppie koffie te maak deur dié paar wenke te volg.
Ons het ook ons gunsteling, plaaslike koffiewinkels gaan uitsoek. Klik hier
Lees gerus dié interessante feite oor hoekom koffie bitter is terwyl jy jou eerste kopie vir die dag geniet.
Lees Meer
