Stokkiepoedings | rooi rose
Mon-Fri 09.00 - 17.00

Stokkiepoedings

23/05/2023

~

Hier moet die kinders handjie bysit. Dié poedinkies word oor koel kole gerooster. Die kinders hou dit in die begin oor die kole tot dit ’n kors gevorm het, dan kan dit maar bo-op die rooster gelê word. Dis so lekker, die grootmense sal ook wil proe!

Stokkiepoedings deur Vickie de Beer. Foto: Neil Corder

 

Stokkiepoedings

Ingredients

  • Soetdeeg
  • 150 g (178 ml) strooisuiker
  • 450 g (800 ml) bruismeel
  • 75 g (80 ml) botter
  • gerasperde skil van 1 suurlemoen
  • 5 vars tiemietakkies (net die blaartjies)
  • 250 - 275 ml (1 k + 1 e) melk
  • Stokkiepoedings
  • 1/3 soetdeeg
  • 6 vingerdik-takke van sowat 40 cm lank. Maak seker dat jy takke van bome wat “eetbaar” is, soos louriertakke, gebruik. Vermy bome soos seringbome.
  • aarbeikonfyt
  • dubbeldikroom

Instructions

Soetdeeg

  1. Sif die meel in ’n mengbak. Vryf die botter in die meel tot dit soos fyn broodkrummels lyk. Voeg die suiker, suurlemoenskil en tiemie by en voeg die melk bietjie vir bietjie by. Dit sal dalk nie nodig wees om al die melk by te voeg nie. Gebruik net genoeg melk om ’n sagte, werkbare deeg te vorm.

Stokkiepoedings

  1. Rol die deeg uit en sny in breë stroke. Draai die stroke om die stokke en druk dit met jou hande vas. Die poedinkies kan in dié stadium in die yskas geplaas word.
  2. Die kinders rooster die stokkiepoedings oor die koel kole en druk dit in die aarbeikonfyt



Catherine Schenck

Lees Meer

Gebakte Carbonara
09/03/2026
Appelkluitjiepoeding
05/03/2026
Tradisionele melktert
27/02/2026