Die strand, kom ons noem haar Kailani (see en lug).
Die water by Khoa Lak-eiland is meer rustig as in Suid Afrika, maar nie doodstil nie. Die golwe is baie sag en die water louwarm. Rustig. Soos jou man-se-vriend-se-vrou wat niks verkeerd kan doen nie.
Die Berge en riviere, Dumont (van die berg).
Doen jouself ‘n guns en vat ‘nbamboesvlot rit deur die berge. Dit is asemrowend. Die berge toring agter die bome uit. Doodstil. Ons het by ‘n berg gestop en by die mond van ‘n grot tee gebrink. Maar nie gewone tee nie, tee blare wat in ‘n stuk bamboes op ‘n vuur gekook is. Om elke draai is daar ‘n woud, maar dit voel nie gevaarlik nie.
Luukse verblyf, ’n fancy vrou soos Magnolia.
Ons het in die Khaolak Merlin Oord en JW Marriott Khao Lak Resort & Spa gebly. Altwee heerlik luuks. Die inwoners van Thailand se glimlaggende gesiggies wag oral om jou te bedien. Thailand word baie bedompig, en om in die verfrissende lugverkoeling van jou kamer te skuil is aanlokend.
Bangkok. Die Tiger Lilly.
Mooi maar streng. Bangkok is ‘n stad wat skrik vir niks. Dit is enige ‘shopaholic’ se droom. Winkels oral, en baie winskopies as jy die regte plekke soek. Die Grand Palace, heilige geboue en blommemark wag om jou te beindruk!
Lees Meer
