Lamstjop- en Halloumi-sosaties | rooi rose
Mon-Fri 09.00 - 17.00

Lamstjop- en Halloumi-sosaties

31/10/2023

~

Min dinge is lekkerder as ’n sosatie wanneer dit by braaivleis kom. Probeer ons resep vir Lamstjop- en Halloumi-sosaties. Deur Vickie de Beer

Lamstjop- en Halloumi-sosaties

Serves: Genoeg vir 4 Nutrition facts: 200 calories 20 grams fat

Ingredients

  • 125 ml (½ k) Bulgaarsejogurt
  • 5 ml (1 t) fyn komyn
  • 1 knoffelhuisie, gekneus
  • sap van ½ suurlemoen
  • 8 lamsrib tjops, sonder die lang, middelste been
  • Tamatiesalsa
  • hand vol kersie tamaties, in kwarte gesny
  • 1 rooirissie, pitte verwyder en gekap
  • 1 rooiui, gekap
  • sout en gemaalde swartpeper
  • hand vol gekapte kruisement en basiliekruid blare
  • 1 knoffelhuisie, gekneus
  • 500 g halloumi, in blokke gesny
  • 2 rooiuie, geskil en in kwarte gesny
  • olyf- of avokado-olie om oor te sprinkel

Instructions

1 Meng die jogurt, komyn, knoffel en suurlemoensap. Marineer die lamstjops vir 1 uur of oornag hierin.
2 tamatiesalsa: Meng die tamaties, rissie, rooiui, knoffel en kruie. Geur na smaak en hou in die yskas tot benodig.
3 Ryg die tjops op 4 bamboes stokkies of roosmaryn takkies. Ryg die halloumi en uie op 4 ander bamboes stokkies of roosmaryn takkies en sprinkel olie oor. Begin met die tjops en braai oor die kole tot goudbruin en gaar. Geur na smaak. Sit die halloumi- kebabs 4 min. voor die einde by (hulle braai vinnig) en braai tot goudbruin. Geur na smaak.
4 Sprinkel die tamatiesalsa oor die kebabs en sit warm voor.

 

 



Rooi Rose

Lees Meer

Stroperige pynappel-en-gemmer-poeding
24/04/2026
Suurlemoen-meringue-koek
22/04/2026
Spinasie-en-ricotta-kluitjies
16/04/2026

  • Lees meer