Internasionale Guacamole Dag: Guacamole-slaai met hoender en nachos | rooi rose
Mon-Fri 09.00 - 17.00

Internasionale Guacamole Dag: Guacamole-slaai met hoender en nachos

16/09/2022

~

Dis Internasionale Guacamole Dag! Vier dit saam met ons deur hierdie guacamole-slaai met hoender en nachos resep te maak.

Guacamole-slaai met hoender en nachos

Serves: Genoeg vir 4 Nutrition facts: 200 calories 20 grams fat

Ingredients

  • Ons het die mooi, klein spinasieblare met gekleurde stingels gebruik. Gebruik andersins gewone babaspinasie.
  • 15 ml (1 e) olyf- of avokado-olie
  • 4 hoenderborsies, oopgevlek
  • sout en gemaalde swartpeper
  • 2 avokadopere
  • fyn gerasperde skil en sap van 1 lemmetjie
  • 1 knoffelhuisie, gekneus
  • 1 rooi rissie, pitte verwyder en fyn gekap
  • 1 rooi ui, gekap
  • hand vol koljanderblare, gekap
  • 2 hande vol nachos-skyfies
  • hand vol baba-spinasieblare
  • 1 lemmetjie of suurlemoen, in wiggies gesny

Instructions

1. Verhit ’n riffelpan oor hoë hitte. Drup die olie oor die hoender en braai vir 4 min. aan elke kant tot gaar. Geur na smaak en skeur in repies.

2. Skep die avokado’s met ’n eetlepel uit hul skille, sny in skyfies en geur met sout en peper.

3. Meng die lemmetjieskil en -sap, knoffel en rissie en roer dit deur die gaar hoender. Geur na smaak.

4. Strooi die rooi ui en koljanderblare oor die avokadoskyfies en sit voor met die hoender, nachos, spinasieblaartjies en lemmetjie- of suurlemoenwiggies.

Meng sommer al die bestanddele as jy die slaai vir baie mense voorsit.

 

Lees ook: Nuwe voorkoms en internasionale toekenning vir Salsify

 

 



Rooi Rose

Lees Meer

Stroperige pynappel-en-gemmer-poeding
24/04/2026
Heuning-en-gemmer-hoender met sataysous
22/04/2026
Spinasie-en-ricotta-kluitjies
16/04/2026

  • Lees meer