Appelkluitjiepoeding

Genoeg vir 6

Bestanddele

• 500 ml (2 k) bruismeel
• 60 ml (¼ k) bruinsuiker
• 160 ml (2⁄3 k) koue botter, in blokkies gesny
• 125 ml (½ k) melk
• 5 ml (1 t) vanieljegeursel

Karamelappels

• 125 ml (½ k) botter
• 125 ml (½ k) bruinsuiker
• 10 klein rooi appels, klokhuise verwyder en in kwarte gesny

Metode

Voorverhit die oond tot 180 °C.

1. Meng die meel en suiker. Vryf die botter met jou vingerpunte by die meel in tot dit soos fyn broodkrummels lyk.
2. Meng die melk en vanielje en gooi by die meelmengsel. Verdeel die deeg in 6 ewe groot balle.
3. Karamelappels: Smelt die botter en suiker saam oor matige hitte. Voeg die appels by en braai vir 5-10 min. tot gekaramelliseer, maar nie sag nie.
4. Skep die appels met die karamelsous in ’n ronde, oondvaste bak met ’n inhoudsmaat van 2 liter. Pak die deegballe bo-op en bak vir 40 min. of tot goudbruin en gaar. rr