Geen-knie focaccia met vye en bokmelkkaas. Deur Vickie de Beer. Foto: Lee Schwagele/CRPhotographic

Genoeg vir 6 – 8

Voorafgisting

Begin reeds die vorige dag met die brood. Begin met die voorafgisting (poolish). Die mengsel word die dag voor die tyd al gemaak en verseker dat die focaccia geurig en gisagtig smaak.

340 g broodmeel
1 ml gis
360 ml water

Meng al die bestanddele met ’n houtlepel in ’n groot mengbak tot glad. Bedek met kleefplastiek en laat by kamertemperatuur tot dubbel die grootte rys.
Sit oornag in die yskas.

Geen-knie focaccia met vye en bokmelkkaas

Serves: 4 Cooking Time: 45 mnute 45 mnute Nutrition facts: 200 calories 20 grams fat

Ingredients

Basiese focaccia
400 g koekmeel
650 g voorafgisting (poolish)
1 x 10 g-sakkie kitsgis
300-500 ml warm water
1 e (10 g) sout
Bo-op die brood
65 g water, 20 ˚C
65 g olyfolie
1 e (10 g) Maldon-sout
8-10 swartvye
3 roosmaryntakkies, in 1 cm lengtes gesny

Instructions

Sit die meel, voorafgisting (poolish), gis en water in die mengbak van ’n menger met ’n deeghaak en meng vir sowat 7 min. met ’n matige spoed tot die deeg van die kante begin wegtrek. Voeg meer water by as die mengsel te styf is.
Gooi die sout by en meng vir nog 3 min. tot die deeg glad en elasties is en ’n effense blink skynsel het.
Keer die deeg op ’n meelbestrooide werkvlak uit. Trek die deeg liggies met jou hande in ’n reghoek. Vou ⅓ van die deeg na binne, en vou die deeg nog ’n ⅓ op om ’n kleiner reghoek te vorm. Draai die deeg 90 grade, strek die deeg weer uit in ’n groot reghoek en herhaal die vouproses. Bedruip die deeg liggies met 1 e (15 ml) olyfolie, bedek met kleefplastiek en laat vir 30 min. rys. Herhaal die vouproses.
Smeer ’n 25 cm x 35 cm-pan met olyfolie. Strek die deeg liggies om in die pan te pas, druk met jou vingerpunte holtetjies in die deeg.
Meng die water, olyfolie en sout goed in ’n klein bakkie. Gooi die mengsel oor die deeg en laat die deeg vir 30 min. rys.
Verhit die oond tot 200 ˚C.
Pak die vye en roosmaryn op die deeg uit (druk dit effens in) en bak vir sowat 15 min. Draai die pan om sodat dit eweredig bak, en bak vir nog 10 min. of tot goudbruin en gaar.