Bloubessiemuffins

Maak 12 klein muffins

Bestanddele

• 375 ml (1½ k) bruismeel
• 5 ml (1 t) fyn kaneel
• knypie sout
• 125 ml (½ k) hawermout
• 180 ml (¾ k) sagte bruinsuiker
• 3 ml (½ t) koeksoda
• 160 ml (2⁄3 k) karringmelk
• 1 eier, liggies geklits
• 5 ml (1 t) vanieljegeursel
• 90 ml (1⁄3 k + 2 t) sonneblomolie
• 310 ml (1¼ k) pruime, gekap
• 100 g (1 pakkie) gepelde amandels, gekap
• 250 ml (1 k) bloubessies
• vars aarbeie om mee voor te sit

Metode

Voorverhit die oond tot 200 °C. Voer ’n 12 x 125 ml- (½ k) muffinpan met muffinhouers uit.

1. Sif die meel, kaneel en sout. Meng die hawermout en suiker by.
2. Meng die koeksoda en karringmelk en roer die eier, vanielje en olie by. Meng die mengsel by die droë bestanddele in en voeg die pruime, amandels en bessies by.
3. Vul die muffinhouers tot ¾ vol en bak vir 20-25 min. of tot goudbruin en ’n toetspen skoon uitkom.
4. Sit voor met aarbeie.