Die beste tendense van die jare tagtig is terug in 2020 en dis hoe jy dit moet dra deur Susra Matthee en Bea Lingenfelder. Hooffoto: Zara
Die tagtigs het gebel en gesê jy lyk wonderlik! Hier is 7 trends wat jy beslis in 2020 moet probeer.
1. Moue met mening
Die tagtigerjare maak ’n massiewe terugkeer: Moue het die afgelope tyd ’n groot modefokuspunt geword en skerp skouers met skouerkussings was oral te sien. Hierdie styl skep volheid bo vir dié van ons wat aan die platter kant is.
Stileer dit modern saam met jeans of gaan voluit 80’s met ’n laer soom en gordel.
#rrWenk: Probeer om jou wit T-hemp vir ’n wit pofmou te veruil en kyk hoe kikker dit jou voorkoms op.
Lees ook: Omhels vanjaar neon (en ja, jy kán dit dra!)
Bloes met pofmoue (Zara)
2. Partytjierok
Het iemand gesê “partytjie”? Ons is gaande oor die pofmoue van die tagtigerjare se rokke omdat dit soveel pret is en jou voorkoms opkikker. Pofmoue maak ‘n stelling en dra by tot volheid wat die res van jou lyf uitbalanseer.
Die rok is ewe geskik vir die dag en kan maklik met behulp van hakskoene getransformeer word vir ‘n aandpartytjie.
Lees ook: Die beste sonbril-trends vir 2020
Rokkie met sebra-patroon (Zara)
3. Gebleikte denims
Hoewel ligte denims nie as die vleiendste in die jeans-familie beskou word nie, is dit wel die coolste een. Die verbleikte en gevlekte styl is nou een van die grootste tendense. Probeer eers ‘n effe uitgewaste denim wat by alles pas.
#rrWenk: Dra dit saam met ‘n lospassende baadjie en T-hemp.
Lees ook: 1 item, 3 maniere: Dra só die Espadril-skoen
Jeans (Levi’s)
4. Jasse met ‘n gordel
Hierdie styl kan as ’n jas of rok dien. Rond dit stylvol af met ’n paar denims en hakskoene en jy’s reg om die dag aan te pak.
Die gordel bo-oor die jas skep definisie om jou middellyf en is ’n gewilde styl wat verlede jaar kop uitgesteek het.
Lees ook: Ken jou liggaamsvorm en vlei jou figuur! Volg ons handige gids
Jas met gordel (Zara)
5. Wit tekkies
Die gewilde staatmaker is nog lank nie vergete nie. ’n Klassieke wit tekkie is ’n moet-hê in elke vrou se klerekas. Net soos in die jare tagtig dra ons hulle ook vandag by alles: pakke, jeans, oefenklere, of selfs ‘n rok of romp.
Lees ook: Die mooiste sonhoede wat jy nou moet dra
All Star tekkies (Converse) Die beste tendense van die jare tagtig is terug in 2020 en dis hoe jy dit moet dra
6. Baadjies wat bemagtig
Skouerkussings en reghoekige silhoeëtte was die stapelitems van die tagtigerjare. Die struktuur wat dit aan ’n hemp of baadjie gee, is op ‘n vreemde manier baie vleiend.
Terwyl hierdie styl jou skouers breër laat lyk, lyk jou heupe outomaties smaller; en net soos die wit tekkies, dra ons hierdie item by alles.
Baadjie (Zara)
7. Groot oorringe
’n Greep uit die jare tagtig is nie voltooi sonder daardie groot en bonkige oorringe nie. ’n Mens kan enige uitrusting met hierdie styl opkikker en jy het nie veel meer versierings nodig nie. Hou die res van jou uitrusting eenvoudig en vermy ander juwele daarmee saam.
Oorringe (Mr. Price)
Kry dit hier:
