Hoenderslaai met romerige parmesaan-slaaisous

Genoeg vir 4.

Bestanddele

• 200-250 g gaar hoender, in repe geskeur
• 2 klein koppe Iceberg- of bindslaaiblare (cos), losgebreek en gewas
• 2 avokado’s, middeldeur gesny, pitte uitgehaal en met suurlemoensap besprinkel
• 125 ml parmesaanskaafsels – maak die krulle met ’n groenteskiller
• 2 eiers, 2 min. gekook tot sag

Sous

• 250 ml crème fraîche
• 125 ml fyn gerasperde parmesaan- of pecorino-kaas
• 80 ml olyfolie
• 30 ml suurlemoensap
• 15 ml heuning
• 5 ml fyn gekapte knoffel
• sout

Metode

Slaai

1. Meng al die bestanddele in ’n voedselverwerker, of met ’n stokmenger. Hou eenkant.
2. Pak die blare op ’n mooi dienbord uit, skep die hoender bo-op, gevolg deur lepels avokado uit die skil geskep.
3. Rond af met parmesaanskaafsels. Sny die eiers versigtig middeldeur en pak op die slaai. Geur met sout.
4. Sit die sous saam met die slaai voor.