Die aktrise, Scarlett Johansson, het bevestig dat sy haar eerste kind saam met verloofde Romain Dauriac, verwag. Die gerugte het Maandag ontstaan. Sy is glo 5 maande swanger.
Johansson is tans besig met die bemarking van haar opkomende fliek Captain America: The Winter Soldier waarin sy dieselfde karakter vertolk as in Avengers 2. Die verfilming van dié fliek was veronderstel om in April te begin, maar nou gaan dinge moontlik verander.
’n Bron het aan E! Online gesê dat die vervaardigers van Avengers haar tonele vinnig gaan probeer afhandel. Die rol wat sy vertolk, vereis dat sy ’n stywe, swart katpak dra.
