Jou kantoor: Meer produktief met die regte geure

Deur Suzanne Kotzé & Corné Greeff. Foto: Kristina Stojiljkovic

'); googletag.cmd.push(function() { googletag.display('dfp-300x250-1'); }); document.write(''); }

Kies die regte geure

Gebruik peperment en bloekom (eucalyptus) saam om jou breinkrag ’n hupstoot te gee. Dit kan jou selfs help om minder geïrriteerd te voel! ’n Studie deur die Neurologiese kliniek by die Universiteit van Kiel, Duitsland, het bevind dat as jy peperment en bloekomolie saam gebruik om geur te verleen aan ’n vertrek, dit jou kognitiewe vermoëns en konsentrasie kan verbeter – tot 78%! Emosionele irritasie kan ook met 14% verminder word, wat in die werksplek belangrik kan wees …

'); googletag.cmd.push(function() { googletag.display('dfp-300x250-6'); }); document.write(''); }

Onthou net, minder is meer as dit by geure vir jou kantoor kom, veral as jy saam met kollegas werk en almal se sintuie in ag moet neem.

'); googletag.cmd.push(function() { googletag.display('dfp-300x250-2'); }); document.write(''); }

Hou gerus ook die parfuum wat jy kantoor toe dra vars en lig. Sitrusgeure het ’n vrolike en opbeurende uitwerking op die gemoed. Lemoen laat jou vrolik en optimisties voel; lemoenblomolie gee energie en bergamot is verfrissend.

Bloekomolie op sy eie verwyder slegte reuke en swamme en help jou liggaam om verkoue en griep te beveg. Peperment help jou met fokus, konsentrasie en meer energie.

'); googletag.cmd.push(function() { googletag.display('dfp-300x250-3'); }); document.write(''); }

Wees netjies

’n Lessenaar wat aan die kant is, laat jou beslis beter werk en konsentreer. Maak gereeld jou drommetjie leeg en verwyder ou koffie- en teekoppies. Maak ook seker dat al jou papiere mooi gebêre is.

Lees ook: Skep ’n tuiskantoor

Oulike stoor-idees vir jou tuiskantoor

Stilte is belangrik

Kies die stilste vertrek in jou huis, weg van die onthaalarea of TV-kamer en verkieslik met ’n deur wat jy kan toemaak.

Lees ook: Geur vir jou huis

Minimalistiese dekor is ’n goeie keuse

Hou die dekor stil en rustig, met min goed wat jou aandag kan aftrek. Goed wat rondlê en ophoop kan jou angstig laat voel en minder produktief maak.

Natuurlike lig is belangrik

Natuurlike lig laat ’n mens meer produktief voel. As jy egter nie baie vensters in jou tuiskantoor het nie, kies gloeilampe met koue wit lig eerder as warm lig.

Kies die regte kleur

Selfs die kleur van jou kantoor kan jou produktiwiteit beïnvloed. Blouerige kleure is stimulerend, geel skakerings is goed vir kreatiwiteit en groen kan jou ontspanne laat voel. Dit kan egter wissel van persoon tot persoon, so kies die kleur wat jou die beste laat voel.

Lees ook: Verwyder slegte reuke in jou huis vinnig