Knip jou wenkbroue op die regte manier. Ons wys jou hoe.
Die meeste van ons pluk gereeld ons eie wenkbroue, maar knip jy ooit joune? Soos ons ouer word, is daar dikwels ’n lekker lang welige wenkbrouhaar of twee. Moet dit nie pluk nie, want jy maak jou wenkbrou dunner. Knip dit eerder so:
1. Gebruik ’n wenkbrouborseltjie en kam jou wenkbroue boontoe. As jy nie ’n wenkbrouborseltjie het nie, gebruik ’n ou maskaraborseltjie.
2. Hou ’n klein skertjie bokant jou wenkbroulyn en knip die haartjies wat bo jou natuurlike lyn uitsteek, korter.
Die Tweezerman Stainless Brow Shaping Scissor & Brush sal perfek werk.
ONTHOU: Jy kan hierdie gerus met jou man ook doen, eerder as om soggens sommer met jou vingers van daardie welige hare te probeer uittrek.
