Misokaramel
Miso (beskikbaar by gesondheidswinkels) is gefermenteerde, gestoomde sojaboontjies. ’n Klein bietjie is genoeg om ’n diep umamigeur aan geregte te gee. Dit verryk en verdiep die karamel en is gewis iets wat jy kan probeer.
• 150 g suiker
• 125 ml (½ k) water
• 125 ml (½ k) room
• 15 ml (1 e) donker misopasta
1 Meng die suiker en water in ’n klein kastrol oor matige hitte. Roer tot die suiker gesmelt is en bring tot kookpunt.
2 Kook vir 4-5 min. of tot goudkleurig en die mengsel begin karamelliseer.
3 Trek van die hitte af en voeg die room by en dan die miso en roer tot goed gemeng.
Koekies met witsjokolade, lemoen en gemmer
1 Maak die basiese resep soos bo beskryf.
2 Voeg 200 g grof gebreekte witsjokolade, die gerasperde skil van 1 lemoen en 80 g gekapte, verglansde gemmer in stroop by die basiese deeg en bak soos in die resep beskryf.
3 Smelt 200 g gebreekte witsjokolade oor matige hitte in ’n glasbak wat knus oor ’n kastrol halfvol kokende water pas.
4 Doop die een helfte van elke koekie in die witsjokolade en laat die oortollige sjokolade afdrup.
5 Laat set op ’n bakplaat wat met bakpapier uitgevoer is.
