Kou jy jou kougom verkeerd?

Maar moenie dink enige kougom wat jy sommer na willekeur kou gaan werk nie.

So moet jy maak om die beste uit jou kougom te haal:

Gebruik dit langtermyn

Xylitol werk nie dadelik nie maar ondersoeke wys dat na sowat drie jaar het mense wat xylitol gebruik baie minder gaatjies in hul tande as mense at dit nie gebruik nie.

Gebuik ’n kougom met net xylitol

Die ander suikeralkoholversoeters word wel deur jou mondbakterië as energiebron gebruik. Hulle lei dus tot die vorming van sure en plaak en uiteindelike tandbederf, hoewel baie minder as wat ander kosse vorm.

Is dit suurvry?

Kyk na die bestanddeellys van die kougom. Bly weg van kougom met sure (acid) daarin, wat dikwels vir die smaak bygevoeg word. Die sure beskadig jou tandemalje en kanselleer die xylitolvoordele.

Kou gereeld

Jy het 6-10g xylitol per dag nodig maar die jongste ondersoeke wys dat dit beter is om xylitolkougom vier of vyf keer deur die dag te kou, eerder as om ’n ‘sterk’ kougom met baie xylitol net een keer per dag te kou.

Soek ’n kougom met baie xylitol

Die supermarksoorte het maar min xylitol in. Die xylitol-alleen soorte is meerendeels by gesondheidswinkels beskikbaar. Hoe weet jy hoeveel xylitol is daar in ’n kougom? Hoeveelhede word nie aangedui nie maar die bestanddele op die bestanddeellys op die pakkie word van meeste na minste gerangskik. Hoe nader xylitol aan die begin staan hoe meer is daar in die kougom.

Maak dit jou nagereg

Kou ’n stukkie kougom na pousekos of ’n werksete.

Kou lank genoeg

Jou tande baat eers na blootstelling aan xylitol vir tien tot twintig minute.

Kou delikaat

Moenie met te veel impak of heeldag kou nie want dit verweer jou tandoppervlaktes. Kou saggies en so onopsigtelik as moontlik. Kou in die openbaar of met ’n oopmond is immers nie goeie maniere nie.

As jy klaar is…

Moenie jou kougom sluk óf die storie sluk dat dit jou derms sal knoop nie. Draai dit toe in ’n papiertjie en gooi weg.

Honde kou nié

Xylitol kan dodelik vir honde wees. Moet nooit jou kougom neersit waar ’n hond dit kan bykom nie.

Lees ook: Verkoue? Dokter jouself soos ’n dokter dit sou doen