Kruisement-en-jogurt-hoenderstukke

Instructions

Gaan só te werk

1 Maak die marinade en laat lê die hoender vir sowat 20 min. daarin.
2 Kook die aartappels in die skil tot sag. Meng die slaaisous en roomsous en hou eenkant.
3 Kook die mielies. Sit water op vir die groenboontjies en braai die tamaties.
4 Skil die aartappels terwyl hulle nog warm is en sny in stukke, meng die slaaisous deur. Kook die boontjies vir ’n paar minute en dreineer. 5 Sit die hoenderstukke op die kole of rooster vir sowat 40 min. in die oond.
6 Dreineer die mielies en rooster ook vinnig oor die kole sodat hulle warm bly.
7 Meng die roomsous deur die aartappelslaai en meng die boontjieslaai.
8 Haal die hoender en mielies van die kole af en rol die mielies in die botter en parmesaan.
9 Sit voor met die hoender, aartappelslaai en boontjieslaai.

Marinade

6 dytjies en 6 boudjies
sout en gemaalde swartpeper

Maak vuur as jy gaan braai, of voorverhit die oond tot 220 °C as jy die hoender in die oond gaan rooster.
1 Marinade: Meng die kruisement, jogurt, suurlemoenskil, knoffel, heuning, koljander, komyn en cayennepeper. Marineer die hoender vir 20 min. hierin.
2 Vee die meeste van die marinade af voor jy die hoenderstukke braai of in ’n oondpan sit vir oondrooster. Geur met sout en peper. Rooster vir sowat 40 min.
3 Sit voor met aartappel-en-kruie-slaai, Franse boontjies en knoffel-en-parmesaan-mielies.

Nog idees
- Gebruik suurroom of karringmelk as jy nie jogurt het nie.
- Vervang die kruisement deur vars koljander of basiliekruid vir ’n lekker smaakvariasie.

Franse boontjies met dennepitte

1 Kook die boontjies vir ’n paar minute in gesoute kookwater. Dreineer.
2 Verhit die olie in ’n groot braaipan oor matige hitte en braai die tamaties tot hulle begin oopbars. Voeg die dennepitte by en braai vir nog 1–2 min.
3 Meng die tamaties en dennepitte deur die boontjies en voeg die rooi uie by. Sprinkel olyf-olie en balsemiekasyn oor. Geur na smaak en sit voor met roketblare bo-op.

Nog idees
- Vervang die dennepitte deur sonneblomsade vir ’n goedkoper opsie.
- Aspersies, in die plek van groenboontjies, is net so lekker in die slaai.

Aartappel-en-kruie-slaai

Roomsous
250 ml (1 k) goeie mayonnaise
250 ml (1 k) crème frâiche
250 ml (1 k) Bulgaarse jogurt

1 Slaaisous: Meng die knoffel, pietersielie, sprietuie, olie, asyn en mosterd in ’n voedselverwerker. Geur na smaak.
2 Kook die aartappels in gesoute kookwater tot gaar. Dreineer, trek die skille af en sny in 3-4 cm-stukke. Gooi die slaaisous oor die warm aartappels. Laat staan ’n rukkie sodat dit kan intrek.
3 Meng die sprietuie, kruie, mayonnaise, crème frâiche en jogurt en meng deur die aartappels. Sit by kamertemperatuur voor.

Knoffel-en-parmesaan-mielies

1 Kook die mielies vir 10 min. in gesoute water tot gaar.
2 Meng die botter en knoffel. Smeer die mielies met die botter en rol dan in die gerasperde parmesaan.

Nog idees
- Probeer ander geurkombinasies: Vir kinders: Vervang die parmesaan deur cheddarkaas.
- Laat die parmesaan weg en voeg 1 t gekapte brandrissies by die botter.
- 1 t gerookte Spaanse paprika, gemeng met die brandrissie, is net so heerlik in die botter.