kykNET trek ’n splinternuwe baadjie aan

M-Net, DStv en Multichoice het tussen 9 en 10 Maart 2017 ’n media-geleentheid in Magaliesburg aangebied waartydens ’n verskeidenheid inligting oor onder meer programme op M-Net, SuperSport, BBC en National Geographic gedeel is. Dit was ook tydens dié geleentheid dat kykNET ’n nuwe “era” in hul bestaan aangekondig het. Die eerste van ’n hele reeks splinternuwe visuele elemente (insluitend ’n nuwe logo …) is vir die drie kykNET-kanale (kykNET, kykNET&Kie asook kykNET NOU!) aangekondig.

Die nuwe kenteken word egter eers amptelik bekendgemaak op 30 Maart 2017 wanneer die publiek ook uiteindelik kan deel in die opwinding.

kykNET se span beskryf die verandering as ’n “kleurvolle metamorfose” en ons kan nie anders as om saam te stem nie. Dit is beslis vernuwend.

Hou die kassie dop …