Laesout saadjiebrood

Genoeg vir drie broodjies.

Bestanddele

• 6 k volkoringmeel
• 250 ml (1 k) hawermout
• 250 ml (1 k) meel
• 2,5 ml (½ t) sout
• 10 g (1 pakkie) kitsgis
• ’n hand vol sade (soos pampoen-, sonneblom-, sesam- en lynsaad)
• 1 liter (4 k) louwarmwater
• 15 ml (1 e) olie
• 15 ml (1 e) heuning

Metode

Voorverhit die oond tot 180 °C.

1. Spuit 3 broodpanne van 25 x 12 cm met kleefwerende kosproei. Meng die volkoringmeel, hawermout, meel, sout, kitsgis en die sade in ’n groot mengbak en maak ’n holte in die mengsel.
2. Meng die water, olie en heuning en roer in die holte van die meelmengsel in. Bedek en laat vir 1 uur op ’n warm plek rys. (Dit rys nie vreeslik baie nie – sowat ’n derde meer as die oorspronklike volume.)
3. Verdeel die beslag in die pannetjies en bak vir sowat 50 min. – 60 min. Haal uit en laat die brood op ’n draadrakkie afkoel.