Luukse seekos pizza

Serves: 6 Nutrition facts: 200 calories 20 grams fat

Ingredients

Pizza
• 500 g broodmeel
• 375 ml (1½ k) louwarm water
• 10 g kitsgis
• 5 ml (1 t) sout
Tamatiesous
• 60 ml (¼ k) olyfolie
• 1 ui, fyngekap
• 10 ml (2 t) knoffelhuisies, fyngekap
• 250 ml (1 k) tamatiepassata
Pizza-bolaag
• 200 g mozzarella, in dun skywe gesny
• 250 g mossels, skoongemaak en gestoom
• 250 g garnale, skoongemaak en gestoom
• 500 g witvisfilette, soos koningklip of stokvis
• 2 groen brandrissies, fyn gekap
• 15 ml (1 e) knoffel, fyngekap
• hand vol pietersielie, fyngekap
• hand vol basiliekruid

Instructions

1 Meng die broodmeel, louwarm water, kitsgis en sout in ’n mengbak, knie die deeg vir 8-10 min. of tot sag en elasties. Maak die bak met kleefplastiek toe en laat rus vir ’n uur, of tot die deeg in grootte verdubbel het.
2 Voorverhit die oond tot 200 °C. Voorverhit ’n groot bakplaat.
3 Rol die deeg in ’n groot reghoek uit tot 5 mm dik. Sit die deeg op die voorverhitte bakplaat en bak vir 10 min. of tot halfgaar. Haal uit en hou eenkant.
4 Verhit 10 ml olyfolie in ’n pan oor matige hitte. Braai die ui en knoffel vir 5 min. of tot sag.
5 Voeg die tamatiepassata by en bring tot kookpunt, verlaag die hitte en prut vir 5 min.
6 Smeer die tamatiesous oor die halfgaar-pizzadeeg. Pak die mossels, garnaal en vis oor die hele pizza uit. Pak die mozzarella-lappies oral om die seekos op die pizza.
7 Meng die oorblywende 45 ml olyfolie, brandrissies, knoffel en pietersielie en sprinkel die geurige olyfolie oor die pizza. Bak vir 15-20 min. of tot goudkleurig en gaar.
8 Sit met vars basiliekruid voor.