Maak jou eie chai

Rooi Rose Chai is ’n naam vir tee wat vir eeue reeds deel van baie kulture is. Chai, afkomstig van Indië, is ’n spesery-tee wat gewoonlik kardemom, kaneel, gemmer, naeltjies en peper bevat. Ons heerlike resep bevat hierdie PLUS ander geurige speserye. Kos Maak jou eie chai European Druk resep

Nutrition facts: 200 calories 20 grams fat

Bestanddele

• 5 cm-gemmer, gesny
• 1 kaneelstokkie
• 8 kardemompeule
• 15 ml (1 e) anyssaad
• 4 heel kruienaeltjies
• ’n sprinkel neutmuskaat
• 1 vanieljepeul, middeldeur gesny
• 15 ml (1 e) suiker
• 60 ml (1/4 k) heuning
• 3 sakkies Darjeeling- of rooibostee
• 500 ml (2 k) water
• 500 ml (2 k) melk

Metode

1 Bring die water tot kookpunt en voeg al die bestanddele, behalwe die melk, by.
2 Verlaag die hitte en kook vir 5 min.
3 Voeg die melk by en bring weer tot kookpunt.
4 Syg deur ’n fyn sif of syfer deur ’n koffiefilter.
5 Sit warm of koud voor.