Mexikaanse hamburgers met salsa

Mexikaanse hamburgers met salsa. Deur Vickie de beer. Foto’s deur Lee Schwagele, CRPhotographic

Mexikaanse hamburgers met salsa

Genoeg vir 6

Bestanddele

• 250 g repiesspek
• 1 kg beesvleis (<em>chuck</em>)
• 2 knoffelhuisies, gekap
• 10 ml (2 t) komynsaad, fyn gemaal
• 10 ml (2 t) gerookte paprika
• klein handjie vol vars orego, fyn gekap
• 1 groen jalapeño (in pekel), fyn gekap
• 5 ml (1 t) sout
• 5 ml (1 t) vars gemaalde swartpeper
• 6 hamburgerrolletjies

Guacamole

• Druk 2 avokado’s met die agterkant van ’n vurk in ’n bakkie fyn en voeg by:
• 1 fyn gekapte groen brandrissie
• die sap van 1 lemmetjie
• ’n hand vol gekapte koljanderblare en
• ’n knypie sout. Meng deur en hou eenkant tot benodig.

Mexikaanse salsa

Genoeg vir 2 flesse van 375 ml

• 500 g kersietamaties, ruweg gekap
• 1 rooi ui, fyn gekap
• 1 knoffelhuisie, fyn gekap
• 5 ml (1 t) komynsaad, fyn gemaal
• uitgedrukte sap van 2 lemmetjies
• 15 ml (1 e) seesout
• hand vol vars koljanderblare, fyn gekap

Metode

1. Voorverhit die oond tot 200 °C.
2. Pak die repiesspek op ’n bakplaat en bak vir 15 min. of tot bros. Laat afkoel.
3. Sny die beesvleis in blokkies en verwyder enige bene of senings.
4. Sit die vleis in ’n voedselverwerker saam met die knoffel, komyn, paprika, orego, jalapeño, sout, swartpeper en die helfte van die brosgebraaide spek.
5. Verwerk met die polsaksie tot dit soos growwe maalvleis lyk. Wees versigtig om dit nie te fyn te maak nie – twee of drie keer met die polsaksie is genoeg.
6. Vorm frikkadelle die grootte van tennisballe. Druk plat en smeer met olyfolie. Braai vir 7-8 min. aan elke kant of tot gaar.
7. Hamburgers: Sny 6 hamburgerrolletjies middeldeur en sit ’n frikkadel op elkeen, gevolg deur guacamole, die Mexikaanse salsa (resep onder) en die res van die bros gebraaide spek.
8. Mexikaanse salsa: Meng die kersietamaties, rooi ui, knoffelhuisie, komyn, lemmetjiesap, seesout en koljander in ’n groot mengbak.
9. Vul 2 x 500 ml-flesse met die salsa.
10. Maak die bottels toe met deksels wat dig seël en hou vir 2-3 dae by kamertemperatuur.
11. Sodra die vloeistof begin borrel, het die gisting plaasgevind. Sit die salsa dan in die yskas.

Lees nog: 

Eendburgers met bruinbotter-mayonnaise