’n Mexikaanse pot met skop
Genoeg vir 6
Bestanddele
45 ml (3 e) olyf- of avokado-olie
15 ml (1 e) vinkelsaad
30 ml (2 e) gedroogde orego
15 ml (1 e) fyn gemaalde komyn
125 ml (½ k) koekmeel
sout en gemaalde swartpeper
1,5 kg ontbeende varknek, in blokke gesny
2 uie, gekap
2 wortels, geskil en in 3 cm-stukke gesny
2 knoffelhuisies, gekneus
410 g-blik heel, geskilde tamaties, fyn gedruk met ’n vurk
500 ml (2 k) aftreksel
1 groen brandrissie, pitte verwyder
en fyn gesny
30 ml (2 e) gekapte jalapeno-rissies
1 lourierblaar
4 groen soetrissies, pitte verwyder en in blokke gesny
4 mielies, in stukkies gesny
2 x 410 g-blik rooi nierbone, gedreineer
hand vol koljanderblare, gekap
Metode
1 Meng die helfte van die vinkel, orego en komyn deur die meel en geur na smaak. Rol die vleis in die meel en braai bruin in die verhitte olie in die potjie.
2 Voeg die uie, wortels en knoffel by en braai ook bruin. Geur na smaak.
3 Voeg die tamaties, aftreksel, rissies en lourierblaar by. Bedek en prut vir sowat 2 uur tot die vleis sag is.
4 Pak die groenrissies, dan mielies en laastens die nierbone bo-op, bedek en prut vir 30 min. of tot gaar.
5 Meng die koljanderblare deur en sit voor met nachos en tamatie-en-avokado-salsa.
Lees ook:
Lees Meer
