Oosterse ribbetjies met koolslaai en soetrissierys | rooi rose
Mon-Fri 09.00 - 17.00

Oosterse ribbetjies met koolslaai en soetrissierys

15/01/2016

Oosterse ribbetjies met koolslaai en soetrissierys

Serves: Genoeg vir 6 Nutrition facts: 200 calories 20 grams fat

Ingredients

  • 2 kg varkribbetjies
  • Marinade
  • 45 ml (3 e) Maizena
  • 30 ml (2 e) ligte bruinsuiker
  • 15 ml (1 e) fyn gerasperde gemmer
  • 10 ml (2 t) Chinese vyf-speserye
  • 60 ml (¼ k) sojasous
  • 60 ml (¼ k) appelkooskonfyt
  • 45 ml (3 e) droë sjerrie
  • 6 sprietuie, oorlangs in dun skyfies gesny.
  • Krakerige koolslaai
  • Genoeg vir 8
  • Slaaisous
  • 125 ml (½ k) olyf- of avokado-olie
  • 15 ml (1 e) sojasous
  • 60 ml (¼ k) ryswynasyn of witwynasyn
  • 125 ml (½ k) strooisuiker
  • 1 klein groen kool, fyn gesny
  • 1 klein rooi kool, fyn gesny
  • 6 sprietuie, oorlangs gesny
  • hand vol mangetout, fyn gesny
  • 60 ml (¼ k) sesamsaad, liggies gerooster
  • 100 g (1 pakkie) gevlokte amandels, liggies gerooster
  • 2 pakkies 2 Minute Noodles
  • Soetrissierys
  • Genoeg vir 6
  • Rys
  • 15 ml (1 e) olyf- of avokado-olie
  • ½ ui, fyn gekap
  • 2 knoffelhuisies, gekneus
  • 5 ml (1 t) sout
  • 250 ml (1 k) basmati-rys
  • 500 ml (2 k) water
  • klein hand vol sprietuie, oorlangs gesny
  • 15 ml (1 e) sojasous
  • 15 ml (1 e) sesamolie
  • sap van ½ suurlemoen
  • hand vol koljanderblare, gekap
  • 15 ml (1 e) soetrissiesous

Instructions

 

 

Marinade 

Voorverhit die oond tot 220 °C.
1 Meng al die bestanddele vir die marinade en vryf oor die ribbetjies.
2 Marineer die ribbetjies vir 20-30 min.
3 Pak die ribbetjies in ’n enkellaag in ’n diep oondpan.
4 Bak vir 30-35 min. of tot glansend bruin.
5 Strooi die sprietuie oor die ribbetjies en sit voor met koolslaai, rysslaai en wortel-lintslaai.

Krakerige koolslaai

Genoeg vir 8

Slaaisous

1 Slaaisous: Meng al die bestanddele goed tot die suiker opgelos is.
2 Meng die groen en rooi kool, sprietuie, mangetout, sesamsaad en amandels. Breek die noedels oor en meng deur.
3 Gooi die slaaisous net voor ete oor.

Soetrissierys

Genoeg vir 6

Rys

1 Verhit die olie in ’n kastrol oor matige hitte en braai die ui vir 5 min. daarin tot sag.
2 Voeg die knoffel en sout by en braai vir nog 2 min. tot die ui begin verbruin.
3 Meng die rys deur en gooi die water by. Bring tot kookpunt. Meng deur met ’n vurk, bedek en verlaag die temperatuur tot op die laagste stelling. Laat stoom vir 20 min. of tot daar tonneltjies bo in die rys sigbaar is en die rys droog gekook is.
4 Meng die sprietuie, sojasous, sesamolie, suurlemoensap, koljander en soetrissiesous deur. Sit warm voor.



Michelle Nortje

Lees Meer

Burgers met speseryhoender en krakerige koolslaai
09/01/2025
Vingerlekribbetjies met soetpatatwiggies
08/04/2024
Oosterse hoenderkerrie
21/07/2023