Oosterse waatlemoenslaai

Genoeg vir 4.

Bestanddele

• 5 ml (1 t) gerasperde vars gemmer
• 1 rooi brandrissie, pitte verwyder en fyn gekap
• 30 ml (2 e) sojasous
• 60 ml (4 e) olyfolie
• sap van 3 lemmetjies
• sout en gemaalde swartpeper
• 4 dun skywe waatlemoen, geskil
• groot hand vol roketblare
• groot hand vol koljanderblare
• groot hand vol kruisementblare
• 4 radyse, baie dun gesny
• 30 ml (2 e) grondboontjies

Metode

1. Slaaisous: Meng die gemmer, brandrissie, sojasous, olyfolie, lemmetjiesap, sout en swartpeper en hou eenkant.
2. Sny die waatlemoenskywe in kwarte en rangskik op ’n bord. Strooi die roket-, koljander- en kruisementblare oor. Strooi die grondboontjies oor.
3. Gooi die slaaisous oor net voor die slaai voorgesit word.