Vanjaar kan kykers ook tuis die fees meemaak deur vir die hibriede fees te registreer; dit beloop R190 vir vier dae se puik plaaslike fliekvermaak. Die opbrengs word geskenk aan die Tribuo-fees.
Vier van die Silwerskermfees-films word ook tydens die fees by die Ster Kinekor in Tygervallei vertoon.
Vollengte speelfilms en kortfilms ding om die gesogte Silwerskermfees-trofee wat Saterdagaand ná afloop van die fees by ’n glansgeleentheid oorhandig word, mee.
Lees ook: kykNET se eerste hibriede Silwerskermfees skop volgende week af
Die talent in kortfilms en vollengte-speelfilms is van uitstaande gehalte, nadat die fees die afgelope twee jaar weens die pandemie nie kon plaasvind nie. Verskeie films wat by die fees vertoon word, het al internasionaal verskeie pryse ingepalm.
Silwerskermfees
Foto: Clifford Roberts
Die bloutapyt
Die bloutapyt is uitgerol en elke dag word die sterre van die films wat daardie dag vertoon word op die tapyt aangebring.
Foto: Clifford Roberts
Kykers kan tuis of by die fees op die Silwerskermfees-toepassing vir hul gunsteling films stem.
Voor elke filmvertoning in die kompetisie vergader die media, klankmense en filmmakers saam met die akteurs van daardie film op die bloutapyt en vertel meer oor hul ervaringe. Hier gesels Ivan Botha en Donnalee Roberts, die sterre van Beurtkrag. Hulle was ook mede-vervaardigers en mede-draaiboekskrywers.
Foto: Clifford Roberts
Die aktrise Vashti Prins kuier na afloop van Indemnity waarin Jarrid Geduld (heel regs) die hoofrol speel, saam met Enrico Hartenberg.
Foto: Clifford Roberts
Die veteraan-akteurs Lida en Johan Botha is die sterre in die kortfilm Leemtes en Leegheid. Dit vertel die verhaal van Magdaleen en Hendrik, en hoe sy probeer om ná sy afsterwe aan te gaan met haar lewe, maar hoe die verdriet soos golwe oor haar spoel: soms bly sy staande en ander dae voel dit asof sy verdrink.
Foto: Clifford Roberts
Die makabere kortflim speel in ’n barbierswinkel af en daar is gerugte dat die maalvleis in die tuisgebakte vetkoeke dalk van die vorige kliënte van die barbier was… Kevin Smith speel die rol van die barbier, Vikkah en Charlene le Roux is een van die gemeente se vroom susters wat haar ogie op die barbier het.
Foto: Clifford Roberts
Silwerskermfees-toepassing
Kykers kan tuis of by die fees op die Silwerskermfees-toepassing vir hul gunsteling films stem.
Lees ook: Sjef Mynhardt se eie kookboek
