Resep deur Vickie de Beer, bygestaan deur Martjie Malan. Foto: Lindy Kriek

Spanspek-ontbytbakkies met tuisgemaakte granola

Serves: 4 Nutrition facts: 200 calories 20 grams fat

Ingredients

Gesoute botter-en-heuning-granola
Sowat 1 kg granola
• 240 g (2 k) growwe hawermout
• 240 g (2 k) fyn hawermout
• 100 g (3⁄4 k) gevlokte amandels
• 100 g (3⁄4 k) pekanneute
• 100 g (3⁄4 k) pampoensaad
• 100 g (3⁄4 k) sonneblomsaad
• 40 g (¼ k) sesamsaadjies
• 400 g (1 k) heuning
• 250 g (1 k) botter, gesmelt
Spanspekbakkies
• 2 klein spanspekke, middeldeur gesny en pitte uitgehaal
• 400 ml dubbeldik-volroomjogurt
• 1 pomelo, geskil en in ringe gesny
• 1 lemoen, geskil en in ringe gesny
• 60 ml (¼ k) droë klappervlokkies
• vars kruisementblaartjies vir opdiening

Instructions

Gesoute botter-en-heuning-granola

1 Voorverhit die oond tot 150 °C.
2 Gooi al die droë bestanddele in ’n groot mengbak en meng goed deur.
3 Verhit die heuning en botter oor matige hitte in ’n middel-slagkastrol. Roer tot die botter gesmelt is en die mengsel bymekaarkom.
4 Meng die warm mengsel en die droë bestanddele baie goed deur. Bak vir sowat 25-30 min.
5 Laat afkoel en breek in stukkies.

Spanspekbakkies

1 Hol die halwe spanspekke effens uit en skep die jogurt en granola daarin.
2 Tooi met die vrugte, klappervlokkies en vars kruisement.

vegetarian kos vegetaries ontbyt breakfast recipes